📢 Дороги школяре осмих класох и почитовани родичи, пре вельку заинтересованосц перши термин кампа пополнєти, а отворени прияви за други термин.

🏡Школа „Петро Кузмяк” у Руским Керестуре орґанизує 🔸Камп ученя и друженя🔸 за школярох осмих класох зоз околних основних школох зоз цильом же би ше млади на цикави, креативни и практични способ упознали зоз школу, наставнима програмами и можлївосцами хтори их чекаю после упису.

📆Камп ше отрима од ⏰16:00 годзин 6. марца по 16:00 годзин 7. марца 2026. року и будзе виполнєни зоз едукативнима роботнями, тимскима и спортскима активносцами, друженьом и забаву, зоз нагоду же би школяре розвивали схопносци и одкрили нови интресованя и здобули нови приятельства.

🧑‍🏫Камп буду водзиц нашо искусни наставнїки и педаґоґи, хтори ше постараю за безпечне, порушуюце и инспиративне окруженє за шицких учашнїкох. Участованє у кампу безплатне, а камп уключує костиранє и змесценє зоз єдним ноцованьом у нашим интернату.

❗⌛Прияви тирваю по 26. фебруар, а мож ше приявиц на шлїдуюцим линку

☎️Вецей информациї можеце достац на числох телефонох:
025/703 040 и 025/703 041 як и у нашей 🟣Вибер заєднїци

Радуємє ше друженю, ученю и новим искуством хтори нас чекаю!🫶