🌍 На годзини швета коло нас, у першей класи учительки Веруни Медєши, у рамикох теми 🌳„Жива природа – повторме научене“, школяре мали нагоду же би на интересантни и интерактивни способ утвердзели здобути знаня. Окремну повагу прицагло викладанє школяра Андрея Дудаша, котри своїм товаришом представел енциклопедию о людским целу, прилагодзену їх возросту. Водзени з жаданьом подзелїц власни интересованя, указал окремну любопитлївосц и любов ґу ученю.

👬У викладаню му ше приключел и товариш Иван Планчак, та вєдно, по упутствох учительки, опатрали и толковали илустрациї, отримуюци розгварку у оддзелєню. Школяре указали самостойносц, самодовириє и храбросц же би наступели пред парняками, док и други школяре на тот способ були мотивовани же би ше уключели до дискусиї, дзеляци замеркованя. Таки активносци доприноша розвою комуникациї, сотруднїцтва и любови ґу одкриваню швета котри нас окружує. 🫶🌱