Соботу, 25.01.2020. року одбавене змаганє у флорбалу, медзи омладинску репрезентацию Сербиї и зоз нашима школярами, основней и штреднєй школи. Перша часц змаганя отримана у школскей (малей гали), а вец ше прешло до велькей спортскей гали.

Учашнїкох було 36.Бавело ше 5+1, зоз швидкима вименками бавячох. Наших школярох котри ше змагали  и бранєли фарби нашей школи було 15. Возрост од 5 класи, та аж по штредню школу. Школяре нашей школи и родичи дали потримовку нашей екипи. Було их коло 70.

Бависко було темпераментне, без грубосци — фер и толерантне.Резултат бул 9:7 за нашу школу.

После змаганя шицки котри ше змагали и тренере  поволани до ресторану,,Червена ружа,, дзе були почасцени  зоз соками и полудзенком.

Циль змаганя нє було лєм бависко, алє и друженє и упознаванє нових товаришох у перспективним бависку як цо то флорбал.

Шицки ше крашнє чувствовали и пошли зоз ошмихом на лїцу.

Нове друженє заказане у Зомборе у фебруару. У плану нам же би було орґанизоване державне першенство у нашей велькей гали. Циль же би ше популаризовал тот нови спорт.

Наставнїк физичного воспитаня Славко Пап.