Закончени ище єден зоз успишних проєктох. У Erasmus+ проєкту „Radšej potrebni, ako spotrebni” участвовали Керестурски професорки у сотруднїцcтве зоз партнерами зоз Словацкей и Чешкей. Проєкт бул пошвецени еколоґиї и змоцньованю еколоґийних компетенцийох. Пре епидемиолоґийну ситуацию нє було нагоди пойсц до Словацкей, та ше закончуюца часц того проєкту реализовала ту у нашим стредку. Закончуюца часц котра тирвала тидзень подрозумйовала нащиву продукциї меду, еко козметики, витро-парку, як и каждодньово схадзки прейґ Zoom-у зоз учашнїками зоз Словацкей и Чешкей. Шицки тоти активносци попровадзела и РТВ телевизия.