У рамикох еколоґийного проєкту „Посадз древо” Министерства просвити, науки и технолоґийного розвою, котри ше реализує уж треци рок за шором, школяре двох оддзелєньох першей класи основней школи, штварток 24. фебруара, вєдно зоз своїма учительками посадзели по єден младнїк жимжелєного древка.

Младнїки посадзели шицки дзеци вєдно, кажди школяр участвовал у загартаню, а пред самим садзеньом и под час мини роботней акциї, наставнїца биолоґиї, Єлена Шомодї, дзецом отримала кратке викладанє о еколоґиї, значносци садзеня древкох и о очуваню животного штредку.

На роботней акциї були присутни и помоцнїца директорки Лїляна Фина, як и педаґоґи Марина Дудаш и Мария Шанта.