У рамикох Дзецинского тижня, хтори того року означени у периодзе од 7. по 13. октобер, у нашей школи було рижни активносци – богато, през друженє, ученє, бависко, креативну роботу.

Нашим школяром випатрало можебуц же то кратки период, тот Дзецински тидзень, алє вони вельо того поробели:

— нащивели школску библиотеку, бешедуюци о облюбених писательох и поетох, пречитаних кнїжкох;

— були у „Музично-подобово креативних преплєтанкох“, дзе кажди школяр могол здумац стих або два, та одшпивац исти;

— интересантни „Мости медзи ґенерациями“, дзе повязали вецей ґенерациї хтори ходзели, або мали и маю вязу зоз нашу школу;

— були „У цудзих ципелох“, дзе дзечнє завжали учительково место;

— нащивели ПУ „Бамби“ и ище вельо того, вельо!

А уживали, и були и школяре и дзеци – толерантни и полни любови, як и кажди дзень.