22. април ше у Сербиї означує як Дзень здогадованя на жертви ґеноциду и холокаусту. Того дня почало пребиванє найвекшого злогласного усташкого лоґору у Ясеновцу, дзе ше од осталих тисяч лоґорашох, спашели лєм коло сто… У рамику култури здогадованя на шицки жертви у войнох на тих просторох, („Най ше нє забудзе, алє най ше нїґда нє повтори”), на годзинох историї часц годзини була пошвецена тей теми. У II-3 оддзелєню тота тема була у складу зоз наставним планом и програмом, та зме ше зоз презентацию котру зме вєдно порихтали здогадли на страхоти войни котри би ше нїґда и нїґдзе нє требали повториц.