У рамикох култури здогадованя и вочи предстояцому швету — Дню примиря, школяре IV-2 оддзелєня ґимназиї прешлого тижня у голу школи отримали явну годзину. З помоцу професорки Любици Илич, школяре присутних здогадли на страданє сербского и других народох у Першей шветовей войни (1914 — 1918.). Евоцирани памятки на Албанску голгофту, Белаву крипту, Солунски фронт, Наталийову рамонду — символ воскресеня Сербиї, конєчне ошлєбодзенє и врацанє до Сербиї.
Война конєчно закончена 11. новембра 1918. року кед победзели сили Антанти и подписане примирє зоз пoраженим членом Тройного союзу — з Нємецку.
У швеце ше тот дзень означує як Дзень примиря, а у Сербиї є од 2012. року и державне швето.