Школяре перших класох и спец. оддзелєня други дзень Дзецинского тижня означели на тему „Солидарносц и емпатия” повязуюци 4. октобер — Шветови дзень животиньох и 1.-7. октобер — Шветови тидзень дзивих животиньох.

Одробени роботнї з визначованьом емпатиї ґу людзом и ґу животиньом, ґруповани сказки и рисовани филми з менами животиньох, одбавена судоку ришовалька и нащивене керестурске ловарске здруженє „Ярабица” дзе предсидатель З. Рамач дал акцент на любов и емпатию ґу животиньом як и старанє о дзивини и природи. Роботню Емпатия, солидарносц и толеранция поробели и други школяре од 1. по 4. класу.