🎓Додзельованє дипломох и увереньох о законченей штреднєй школи матурантом школского 2025/26. року ⁣У голу школи вчера шветочно випровадзена ище єдна ґенерация Кузмяковцох.

Попри велїх жаданьох за успихом у дальшим живоце и образованю, од матурантох ше одпитали їх оддзелєньски старшинове, професоре, управа школи и други школяре.

Окремне намаганє уложели школяре трецей класи штреднєй школи котри зоз оддзелєньскима старшинами порихтали програму за матурантох и їх родзину.

Ґенерацийо 2025/26. винчуєме вам на успишно законченей штреднєй школи и жадаме вам вельо успиху и радосци у дальшим школованю и живоце! ⁣🧡