У нашей Школи мали зме интересантну и нєкаждодньову акцию у предлуженим пребуваню. Учительки Тамара и Мая, орґанизовали „Динарчок и школярчок“ дзе мали касу за пенєж и два мешаци зберали динари. Назберали прейґ пейц тисячи динари и до предлуженого пребуваня у догварки зоз школярами и родичами купели фодбалску лабду и Леґо коцки. Дзекуюци тей акциї, шицки вєдно зме научели же кед кажде да дакус од себе, вєдно можеме вельо посцигнуц.