📚Дружтво школских библиотекарох Сербиї и того року поволало школских библиотекарох же би ше уключели до акциї „Читайме гласно“.

🧑‍🏫У нашей школи, з тей нагоди, пияток 28. фебруара школяре IIIа и IVб оддзелєня вєдно зоз професорку Н. Пєщич, учительку М. Рамач, учительку Т. Медєши и учительом М. Новаковичом у приємней атмосфери библиотеки препровадзели час наглас читаюци облюбени стихи, виреченя, а нє виостали анї рецитованя школяром познати им писнї.

🔸Циль тей красней активносци указує ше у розвиваню любови ґу читаню, мацеринскому язику, та култури читаня и доживйованя кнїжовно-уметнїцких творох. Китайска присловка гвари: „Нє читай три днї, твойо слова страца красоту.“ Нашо школяре поручую: „Ми читаме кажди дзень.“✅