🌟🎓Емина Бики — ШКОЛЯР ҐЕНЕРАЦИЇ🌟Емина Бики шицки штири роки ґимназийного образованя витворела одлични успих зоз просекову оцену 5,00 и прикладним справованьом. Од першого дня школованя указовала окремну одвичательносц, роботни звикнуца, упартосц и пошвеценост образованю, а зоз своїм справованьом и одношеньом ґу школским обовязком представяла приклад другим школяром.

Попри окремного успиху у настави, Емина витворела резултати на змаганьох зоз биолоґиї у першим и другим року, друге место на Смотри кирилскей писменосци 2025. року и перше место на Смотри кирилскей писменосци 2026. року. Окремне припознанє представя диплома Покраїнскей влади АП Войводини за посцигнути окремни резултати у обласци руского язика.

У штредньошколским образованю була барз активна у числених домашнїх и медзинародних проєктох. Участвовала у програми интеркултуралней черанки „Песталоци“ у Швайцарскей, као и у вецей Еразмус+ проєктох у Италиї. Була учашнїк медзинародног образовного проєкту „CybHER“ у орґанизациї British Council-а, як и проєктох „Digital Safety Initiative“, „Upshift“, „Медийна писменосц за европску будучност“, „Мейкерслаб – мудра заградка“ и „Цо на чежко“. Зоз своїм анґажованьом у тих активносцох допринєсла промоциї школи у жеми и иножемстве, здобуваюци нови знаня и схопносци хтори нєсебично дзелєла зоз своїма парняками.

Емина у своїм штредньошколским школованю була активни член Школярского парламенту и участвовала у роботи оддзелєньскей заєднїци. Зоз своїма предкладанями и активносцами доприношела унапредзованю школярского живота и розвою позитивней школскей атмосфери.

Окремну вредносц Емини Бики видно у єй людских характеристикох. У школованю указовала високи ступень емпатиї, товаришства и порихтаносци помогнуц другим. Уживала довириє своїх парнякох, вше ше зоз почитованьом одношела ґу наставнїком, фаховим сотруднїком у ґу шицким занятим у школи.Зоз своїм знаньом, роботу, дружтвеним анґажованьом и людскима вредносцами у подполносци заслужела найвисше припознанє хторе школа додзелює школяром – титулу „ШКОЛЯР ҐЕНЕРАЦИЇ“.👏👏👏