Дороги школяре осмих класох и почитовани родичи,

Школа „Петро Кузмяк” у Руским Керестуре орґанизує Камп ученя и друженя за школярох осмих класох зоз околних основних школох зоз цильом же би ше млади на цикави, креативни и практични способ упознали зоз школу, наставнима програмами и можлївосцами хтори их чекаю после упису.

Камп ше отрима од 16:00 годзин 20. фебруара по 16:00 годзин 21. фебруара 2026. року и будзе виполнєни зоз едукативнима роботнями, тимскима и спортскима активносцами, друженьом и забаву, зоз нагоду же би школяре розвивали схопносци и одкрили нови интресованя и здобули нови приятельства.

Камп буду водзиц нашо искусни наставнїки и педаґоґи, хтори ше постараю за безпечне, порушуюце и инспиративне окруженє за шицких учашнїкох.

Участованє у кампу безплатне, а камп уключує костиранє и змесценє зоз єдним ноцованьом у нашим интернату.

Прияви тирваю по 18. фебруар, а мож ше приявиц на шлїдуюцим линку: Линк за прияву

Вецей информациї можеце достац на числох телефонох:

025/703 040 и 025/703 041 як и у нашей Вибер заєднїци

Радуємє ше друженю, ученю и новим искуством хтори нас чекаю!