Пред двома тижнями школяре трецого року напряму туристични технїчар дзень практичней настави препровадзели у обиходзеню Руского Керестура зоз цильом же би упознали його природни и дружтвени туристични атрактивни фактори и потенцияли за дальши туристични розвой.

У орґанизациї наставнїка Михаїла Римара и Ренати Зорич, зоз потримовку педаґоґи и предсидательки Туристичного здруженя Руского Керестура, Любици Няради, школяре достали увиди до прешлосци, терашньосци и будучносци Руского Керестура як туристичней дестинациї.