У голу школи зоз шветочну програму випровадзена ище єдна од велїх ґенерацийох Кузмяковцох.

Од матурантох ше одпитали їх оддзелєньски старшини, професоре, управа школи, як и други школяре котри им пожадали вельо успиху у дальшим живоце и образованю.

Окреме ше понамагали младши штредньошколци котри зоз оддзелєньскима старшинами орґанизовали програму за матурантох и їх родзину.

Ґенерацийо 2023/2024. винчуєме вам на успишно законченей штреднєй школи и жадаме вам вельо успиху и радосци у дальшим школованю и живоце!