На заєднїцкей роботнї хтора отримана 20. мая з цильом понуканя позитивних вредносцох сотруднїцтва, злагоди, помаганя и сцелосци, а заобиходзеня и бляднуца каждей файти насилного обходзеня, школяре 1.а и 5.а з наставнїцу З. Малацко и учительку М. Рамач направели удатни маски.

Школяре 1.б и 5.б оддзелєня предлужели заєднїцки активносци. Вони на годзинох подобовей култури вєдно направели маски животиньох хтори першокласнїки похасновали у драмскей слички хтору одбавели за старших товаришох и товаришки. Вони потим, на годзини музичней култури, научели племенски танци и вєдно их виведли. Заєднїцки активносци обдумали наставнїци Златица Малацко, Лидия Пашо и Наталия Зазуляк.