Же ше виплаци шлєбодни час уложиц до креативних стварох, додатно ше понамагац и участвовац на змаганьох, доказує наградна екскурзия Универзитету Синґидунум.

Нашо школяре и їх менторе, як награду за успих котри посцигли на змаганю зоз Студиї случаю „Мойо место престолнїца култури Сербиї” одпутовали на тродньову екскурзию Требинє-Дубровник-Мостар-Сараєво.

Дзекуюци одличней орґанизациї проф. Предраґа Обрадовича, школяре на тим путованю могли здобуц фахове знанє о дестинацийох, орґанизациї и виводзеню путованьох, роботи локалних туристичних водзачох. Попри фахового знаня, збогацени су и зоз животнима вредносцами з визначованьом красного справованя, правих вредносцох и склапаньом нових товаришствох.

Дзекуєме Универзитету Синґидунум на тей окремней награди и нагоди.