У школи „Петро Кузмяк” 22. и 23. марца отримане Републичне змаганє зоз предмета аґенцийне и готелиєрне водзенє роботи – „Формованє и презентация туристичних аранжманох”.

Матуранти зоз Чаєтини, Баїней Башти, Враня, Беоґраду, Суботици, Индїї, Лесковцу, Тителу, Смедерева, Ниша, Парачина и Руского Керестура указали свойо знанє през три преверйованя.

Перши дзень змаганя бул пошвецени тесту фахово-теорийних знаньох и практичному задатку виробку туристичного аранжмана. Другого дня школяре вирабяли практичну роботу у вязи рецепцийного водзеня роботи.

Перше место освоєл Александар Милошевич зоз Парачину, ⁣⁣

друге место – Тамара Савич зоз Беоґраду, ⁣⁣треће место – Душица Лекич зоз Суботици, Валентина Иванович зоз Враня и Сара Илич зоз Смедерева.

Обовязно, було и упознаванє нових товаришох, друженє и черанє искуствох.

За учашнїкох орґанизована и шветочна вечера, туристичне обиходзенє Руского Керестура, як и округли стол зоз представнїками Заєднїци економских, правно-биротехнїчних, тарговецких и угосцительно-туристичних школох, як и школскей управи и представнїками школох зоз профилом туристично-готелиєрски технїчар.

Винчуєме шицким школяром и ментором на уложеним труду и посцигнутим успиху.

Дзекуєме Општини Кула, Туристичней орґанизациї Кули, шицким спонзором, Универзитету Синґидунум, як и школяром и занятим у #petrokuzmjakskola на потримовки и закладаню же би ше тото змаганє орґанизовало цо успишнєйше.