Директорка школи „Петро Кузмяк” початком тижня була у Даблину у Ирскей, з нагоди початку нового Еразмус проєкта у котрим участвує наша школа.⁣

Роби ше о проєкту котри ше занїма з подзвигованьом свидомосци о климатских пременкох зоз хаснованьом виртуалних шветох.

Наша школа будзе пилот школа котра будзе мац нагоду же би попри розличних едукативних змистох хасновала и образовне бависко дизайноване за школярох возросту од 10 до 19 рокох, и котра провадзи важни теми о климатских пременкох.

На тот способ школяре буду розвивац важни компетенциї о очуваню и защити животного штредку, як и о климатских пременкох.

Попри нашей школи до проєкту уключена и школа зоз Греческей зоз котру будземе сотрудзовац през активносц черанки школярох. До цалого проєкту уключени Универзитет зоз Тесалиї зоз Греческей, як и Центер за промоцию науки зоз Сербиї, а як технїчна потримовка ирска компания VRAcademi.

#VR4Clima