У нашей школи прешлого пиятка орґанизоване закончуюце збуванє проєкту „Безпечни на мрежи” котру потримує Покраїнски секретарият за образованє, прописи, управу и национални меншини-национални заєднїци.

На закончуюце збуванє ше зишли коло сто школяре зоз нашей школи, алє зме мали чесц же пришли госци зоз других школох. Школски тими презентовали важни теми у вязи безпечносци на интернету, так же зме мали нагоди дознац як ше треба справовац на интернету, як обкеровац нєжадани ситуациї, алє и кому повесц кед маме проблем або нас дахто знємирює на интернету. Сход бул змагательного характера, так же жири оценьовал презентациї.

Гоч презентациї були успишни, креативни и змистови, победзел тим зоз школи „Петефи бриґада” зоз Кули у составе Патрициї Войчена и Милици Рупич.