Штварти дзень Дзецинского тижня – тиж богати, през ученє, друженє, бависко, креативносц.

Перши класи означели Шветови дзень учительох, а секция „Креативне писанє“ каждей учительки и учительови повинчовали їх дзень. Першим класом придружели ше баби и дїдове у бависку.

Школяре другей класи зоз свою учительку и учительом привитали дзецох зоз дзецинскей заградки „Цицибан“ и їх виховательки.

Будуци школярики мали нагоду прешпацирац ше по школских ходникох, та и закукнуц до учальньох дзе им нашо школяре указали цо ше у школи роби, а потим ше шицки вєдно уключели до бавискох у школским дворе.

У трецих класох, вредни и креативни школяре направели „Робота будучносци“ и „Бависко будучносци“.

Штварти класи, тиж так, вредно и креативно, правели предмети зоз рижних материялох.

Заключок – и вчерайши дзень бул красни и успишни.