Школяре штвартого року напряму туристично-готелиєрски технїчар, котрим менторки були наставнїци Миркович Єлена, Милянич Бояна и Зорич Рената, хаснуюци Google мапи пририхтали и реализовали туру за шпациранє по Руским Керстуре за Кузмяковцох першей класи оддзелєня туристични технїчар.

З тей нагоди, у сотруднїцтве зоз предсидательку Туристичного здруженя Руского Керестура, Любицу Няради, нащивели Замок и музей у його составе.⁣⁣

Попри туристичного напряму, промоциї „Дзень шпацираня” ше приключели и школяре II-2 оддзелєня. Вони зоз свою оддзелєньску старшину, Лїляну Рудакиєвич, до шпацираня и упознаваня штредку у котрим ше находзи #petrokuzmjakskola приведли и школярох перших класох Ґимназиї.