У предлуженю информациї хтори вам потребни за конкурс.

ТЕРМИНИ ЗА ПРИЯВЙОВАНЄ НА КОНКУРС

Приява кандидатох за конкурс окончи се у шлїдуюцих терминох:

– за перше прерозподзельованє – од 3. до 14. юлия 2023. року

– за места хтори остали шлєбодни – од 24. до 28. авґуста 2023. року

– за чувствительни дружтвени ґрупи, за тих хтори нє достали змесценє при першим розподзельованю – од 24. до 28. авґуста 2023. року.

ПОТРЕБНА ДОКУМЕНТАЦИЯ

Кандидат под час приявйованя на конкурс, попри прияви на конкурс, подноши установи шлїдуюцу конкурсну документацию (ориґинални документи лєбо оверени фотокопиї):

– явни документи о законченей основней школи (свидоцтва о закончених класох од V до VIII и уверенє о оконченим закончуюцим испиту) и потвердзенє о упису до штреднєй школи (за школярох хтори уписани до I класи штреднєй школи)

– свидоцтво о законченей предходней класи штреднєй школи (за школярох хтори уписани до II, III лєбо lV класи штреднєй школи)

– уверенє о приходох по члену фамелиї од 1. 1. – 31. 3. того року, видате з боку компетентного општинского орґану зоз места пребуваня дзе його родитель, односно старатель, пребува (же би пребуванє нє було меняне шейсц мешаци пред обявйованя конкурса)

– диплому и други награди зоз участвованя на змаганьох школяра, хтори ше находза у календару змаганя школярох (у орґанизациї Министерства просвити) у предходно законченей класи

– потвердзенє о справованю у установи – дому школярох през прешли школски рок, односно награди и похвали за участвованє у актовносцох и вирекнути воспитно-дисциплински мири (за школярох хтори уписани до II, III или IV класи штреднєй школи).

Нєблагочасово, нєподполни и од нєовласценей особи поднєшени прияви на конкурс ше нє буду признавац.

Школяр при усельованю до установи уручує:

– лїкарске уверенє, у складу зоз прописами хтори реґулую обласц здравственей защити и здравственого осиґураня, о общим зравственим стану, зоз надпомнуцом же школяр психо-физично способни за самостойне пребуванє у установох колективного змесценя (нє старше од 15 дньох)

– вивод зоз матичней кнїжки народзених.