Нєшка, 6. юния, остатнї наставни дзень и за школярох основней и штреднєй школи.

По одлуки Министерства просвити, школа обвисцена о закончованю порядней настави 6. юния.

Школа остава отворена по 20. юний за шицки други активносци хтори предвидзени у календарох образовно-воспитней роботи за основну и штредню школу.

Шицки школяре хтори маю можлївосц виправиц оцену зоз предмету, додатна и дополнююца настава, як и шлєбодни активносци и предлужене пребуванє буду реализовани поряднє по 20. юний.

Кажди наставнїк по 6. юний да предкладанє заключней оцени зоз хтору буду упознати и школяре и родичи, як и суґестиї за школярох на хтори способ можу, кед сцу, виправиц оцену. Шицко будзе реализоване у догварки зоз оддзелєньским старшином, предметним наставнїком и педаґоґийну службу.

Шицки активносци хтори ше одноша на орґанизацию и реализацию закончуюцого испита за школярох осмих класох, як и матурского испита за школярох штреднєй школи окончую ше як и плановане.