На математичним змаганю „Мислиша 2023“, котре отримане 9. марца у нашей школи, участвовали школяре од першей по осму класу. Координовала го професорка Тат’яна Бучко Рац, a орґанизoвало Математичне дружтво Архимедес зоз Беоґраду.

Мали думателє и математичаре барз успишни: у другей класи, зоз оддзелєня учительки Верунки Медєши, Олеґ Катона освоєл перше место и пласовал ше на републични уровень змаганя. Тиж з другей класи, Лука Зелич освоєл 3. место, а похвали достали Анастазия Пекич и Кристина Рамач. Похвалу достала и школярка 1. класи, Ена Сабадош, зоз оддзелєня учителя Марка Новаковича.

Школяром повинчовала на успиху наша директорка, Наталия Будински, а професорка Тат’яна Бучко Рац им уручела дипломи и похвали. Винчуєме нашим вредним и мудрим школяром, а Олеґови и учительки Верунки жадаме успиху на Републичним змаганю у Беоґрадзе.