У нашей школи нєшка, 21. фебруара, з нагоди Дня мацеринского язика, орґанизовани квиз знаня з обласци руского язика. На квизу участвовали школи у котрих ше руски язик виучує як мацерински: ОШ „Йован Йованович Змай” з Дюрдьова, ОШ „Братство єдинство” з Коцура и домашнї з Керестура. Госци котри тиж нащивели нашу школу то школяре з ОШ „Нестор Жучни” з Лалитю.

Школяре указали добре знанє, добре ше забавели, дружели ше и однєсли зоз собу красни упечатки о нашей, як найвекшей, школи у котрей ше настава отримує на руским язику. Програму водзели и порихтали квиз ґимназиялци другей класи руского оддзелєня.