Святи Сава свой живот пошвецел церкви и духовносци, медзитим през свою животну приповедку вон порушовал и потримовал образованє и прето є вибрани за церковного заступнїка образованя. О тим шведоча велї леґенди, алє и историйни записи и документи. Кельо образованє важне и битне за розвой поєдинца, так и заєднїци у хторей поєдинєц жиє, ми у нашей школи добре знаме.

Преславяюци 270 роки снованя нашей школи зоз хтору почало образованє по руски на тих просторох и док патриме до будучносци и правиме нову визию школи треба ше огляднуц и на прешлосц и визначни особи як цо то були Петро Кузмяк и Гавриїл Костельник, а и Растко Неманїч хтори нам до нашлїдства охабели фудаменти образованя, алє нас и задлужели же бизме на тих фундаментох будовали нови успихи и посцигнуца.