Наставнїца руского язика Снежана Шанта зоз школярками шестей класи зоз руского оддзелєня Основней школи ,,Братство єдинство”, зоз Коцура 20. януара були нащивиц Руски Керестур, а у рамикох промоциї Штреднєй школи зоз домом школярох „Петро Кузмяк”.
Привитала их педаґоґа Любица Няради зоз хтору перше нащивели музейну збирку, а отамаль госци пошли до будинку Основней и штреднєй школи зоз домом школярох ,,Петро Кузмяк”, дзе перше нащивели дом школярох, и шицки його змисти. Там их Нярадийова упознала зоз наставним планом и програму ґимназиї и туристичного напряму, проєктох Еразмус+ и путованьох школярох по Сербиї и до иножемства, алє и о сучасних формох роботи у керестурскей школи.
Нащива витворена у рамикох промотивних активносцох керстурскей штреднєй школи т.є. уписованя школярох до єй двох напрямох: ґимназия общи напрям и туристично-готелиєрски технїчар.