Школяре од 5. по 8. класу, под менторством наставнїци Наташи Орос, участвовали на школским змаганю котре часц Медзинародного змаганя зоз информатичного и рахункарского роздумованя „Дабар“. Вредни школяре указали же рахункар нє лєм средство за комуникацию, препатранє интернету, обробок тексту… алє и жридло интересантних лоґичних проблемох, прецо им робота на нїм нїґда нє допита.

Красни вистки и зоз 6. класи – Исак Новта здобул условиє за участвованє на окружним змаганю зоз информатики, у орґанизациї Министерства просвити, науки и технолоґийного розвою Републики Сербиї и дружтва математичарох Сербиї. Гварене з язиком програмерох – print (‘Винчуєме нашим школяром!’)