Школяре IVб класи зоз свою учительку, Наталию Зазуляк, того дня до школи пришли на бициґлох або пешо и на тот способ потримали Европски дзень без автомобилох.

Тиж, школяре VIIa класи зоз свою наставнїцу биолоґиї, Єлену Шомодї, означели тот дзень и школяром перших класох указали предносци бициґли у поровнаню зоз автомобилом.

Поуказовали им часци бициґли и потолковали прецо здравше вожиц бициґлу, як авто.

Так им представели и нови паркинґ за бициґли, на хтори додати сталки за 40 бициґли, хтори можу хасновац. Паркинґ ше ушорює по проєкту „З бициґлу за климатски пременки”, хтори потримани з боку Европскей униї, по програми Моцне желєне, хтори водза нашо „Еко наставнїци”.

Нашо наставнїци потримали школярох, та и сами означели тот дзень так же на роботу пришли на бициґлох або пешо.