Покраїнски секретарият за образованє, предписаня, управу и национални меншини – национални заєднїци и Форум за едукацию, сотруднїцтво, афирмацию и потримовку гражданскому дружтву, Нови Сад (скрацена назва: ФЕСАП), розписали два конкурси за школярох зоз АП Войводини.

1. За школярох основней школи – Конкурс за вибор писаней роботи под назву „Мой славни сограждан”.

На конкурс ше подноши материял у форми писаней роботи хтора ма найвецей 1 бок (хтора може мац и єдну слику славного сограждана)

2. За школярох штреднєй школи – Конкурс за вибор видео-роботи на тему „Вияшнї ше”

На конкурс ше подноши видео – материял у тирваню од 1 до 3 минутох у форми промотивного споту – поволанки за вияшньованє на предстояцим попису жительства у Републики Сербиї. Робота треба же би описала значносц вияшньованя о националней припадносци на предстояцим попису жительства и наведла причини за одволованє жительства у процесу пописованя.

Формулари провадзацей документациї за участвованє на конкурсу мож превжац на интернет-боку ФЕСАП-у, на адреси www.fesap.org.rs або на интернет-боку Секретарияту на адреси: www.puma.vojvodina.gov.rs

Конкурси отворени по 30. септембер 2022.