Обучованє „Од визиї до иновативней инклузивней пракси” отримане 9. и 10. септембра за ґрупу занятих у „Петро Кузмяк” школи.

Источасно єдна часц наставнїкох идзе на онлайн обучованє „Звонканаставни активносци по мири школяра”, у рамику проєкта „Унапредзени ровноправни приступ и закончованє предуниверзитетского образованя за дзеци котрим потребна додатна образовна потримовка – Учме шицки вєдно”.⁣

Здогадуєме же наша школа єдна од шейсц школох у Сербиї котра вибрана за участвованє у тим проєкту котри орґанизую Министерство просвити, науки и технолоґийного розвою и UNICEF зоз потримовку Делеґациї Европскей униї у Сербиї. Зоз тим „Петро Кузмяк” школа достава потримовку за унапредзованє фахових и орґанизацийних капацитетох и пририхтованє за подношенє вимоги за здобуванє статусу модел установи за инклузивне образованє и воспитанє.