Нашей школи одобрени ище єден Ерасмус плус проєкт мобилносци школярох.

Таки проєкти подрозумюю одход школярох (на одредзени период) вонка з матичней школи же би реализовали образовни процес.

Зоз другима словами, школяре путую до одредзеней школи/образовного центру/дестинациї у жеми лєбо иножемству, же би научели и усовершели свойо знаня и схопносци.

Перши таки проєкт нашей школи реализовани на початку того школского року кед шеснацецеро школяре и двоме професоре зоз туристичного напряму реализовали двотижньову фахову праксу у Солуну у Греческей.

Баш така файта проєкту – мобилносц школярох туристичного напряму же би реализовали фахову праксу, нам одобрени и за шлїдуюци школски рок!