У IIIб оддзелєню 11. фебруара отримана годзина на тему „Рециклованє и компостиранє”. Годзину отримала наставнїца биолоґиї, Єлена Шомодї, а на годзини були присутни и учителька Наталия Зазуляк и педаґоґа Мария Шанта. После краткого преподаваня о тей теми (цо то рециклованє, прецо є значне, цо мож рецикловац, цо то компостиранє и як ше прави компостер), школяре ше упознали и зоз практичну часцу. У практичней часци школяре полнєли компостер зоз био одпадом котри принєсли з дому (лупи од овоцох и желєняви, шкарупина, сухе лїсце…). Роботня була удатна, а школяре вредни.