Штварток, 9. 12. 2021. року, у Iб оддзелєню основней школи, отримана годзина Диґитални швет. Тоту годзину нє отримала учителька Верунка Медєши, алє школяр Vа оддзелєня, Исак Новта. Вон своїм малим товаришом  представел мбот робота. Школяре мали нагоду видзиц и пробовац руководзиц з мботом. Исак школяром приказал на рахункару як ше програмую команди хтори потим мбот вивершує. За малих школярох, пред хторима ше отвера швет роботики, було барз интересантне видзиц мбота, рахункар и мрежу їх повязованя. Дзепоєдним школяром дзепоєдни деталї познати, цо доказує же школяре починаю вше вецей спознавац диґитални швет. Годзину нащивела директорка школи, Наталиа Будински. Дзекуєме Исакови за здобуванє нових знаньох, поняцох през друженє и бависко.