У рамику дисеминациї RemoT3 Erasmus+ проєкту „Фахова пракса у Солуну” отримана роботня о писаню Europass роботней биоґрафиї за школярох закончуюцих класох образовного профилу комерциялиста Економско-тарґовинскей школи у Кули.

Обучованє за креированє Europass роботней биоґрафиї у диґиталним алату за ученє и роботу у Европи реализовали школяре, учашнїки у проєкту под менторством професорки Аники Войчена.

Школяром, присутним професором и управи школи обрацела ше координаторка проєкту, професорка Лїляна Фина, и представела сам проєкт. Вона указала на значенє участвованя у Erasmus+ проєктох, як и на можлївосци хтори даваю европски диґитални алати.

Розменьованє знаньох и схопносцох медзи школярами Основней и штреднєй школи „Петро Кузмяк” зоз Руского Керестура и Економско-тарґовинскей школи зоз Кули указує добре сотрудзованє на уровню тих установох хтори ше и убудуце буду допатрац.