На годзинох ґаздовства школяре седмих класох зоз свою наставнїцу биолоґиї Єлену Шомодї означели Дзень здравей поживи. Бешедовали о здравей поживи, пирамиди правилного костираня, як и o лїковитих рошлїнох и чайох. После краткого викладаня о лїковитих рошлїнох и їх препознаваню и демонстрациї пририхтованя чайох, школяре мали нагоду и попробовац рижни чаї.