Школяре напряму туристично-готелиєрски технїчар Основней и штреднєй школи зоз домом школярох „Петро Кузмяк“ зоз Керестура, нащивели готел „Sole Mio“ у Кули зоз професорками Анику Войчена и Веселинку Бачич.

Нащива орґанизована у рамикох настави у блоку хторей циль же би ше школяре упознали зоз реалнима роботнима условиями єдного гарни готела и же би достали попатрунок на вкупну роботу того погосцительного обєкту за змесценє, а хтори катеґоровани зоз трома гвиздочками.

Школярох сердечнє прияла менаджерка готелу Милица Обрадович, хтора дала информациї о основних и звонкапансионских услугох, капацитетох при змесценю, роботи на рецепциї, способох резервованя, готелскей информацийней системи и сотруднїцтву готела зоз другима дїловнима партнерами.

Школяре мали нагоду обисц супериор апартмани и студиї, нукашнї и вонкашнї базен, финску сауну у прешвеча ше до високей оцени того готела на Booking-у (єдней од найвекших шветових платформох у сфери путованьох).

Готел обишли и директорка школи Наталия Будински и помоцнїца директорки Лїляна Фина хтори зоз менаджерку бешедовали о будуцим сотруднїцтве и можлївосци окончованя фаховей пракси наших школярох у готелох „Sole Mio“ у Кули, Новим Садзе и велнес центру „New Museum“ у Кули.