Стреду, 23.06., школяре нашей школи участвовали у уж традицийней акциї чисценя базену у Руским Керестуре хтору орґанизовала Месна заєднїца Руски Керестур. У тей роботней акциї участвовали вецей як 50 школяре нашей школи хтори зоз свою роботу допринєсли же би базен бул очисцени и порихтани за надиходзацу лєтну сезону купаня.

По законченю роботней акциї на базену отримани мали спортски змаганя у обегованю и руцаню лабди до гордова за дзеци предшколского возросту и школярох од 1. до 4. класи основней школи. За найуспишнєйших у тих змаганьох обезбедзени вредни награди.

На самим концу за шицких учашнїкох орґанизовани полудзенок и ошвиженє.