Наставнїки нашей школи Каролина Джуджар, Тамара Хома, Кристина Молнар, Тереза Катона, директорка Наталия Будински и предсидатель вивершного одбору Националного Совиту Руснацох Жељко Ковач участвую од 26.4 до 5.5. у Ерасмус плус проєкту Radšej potrební, ako spotrební (Rather needed than consumer). Проєкт ше занїма зоз еколоґийнима темами, як и зоз темами отримуюцого развою. Проєкт ше состої зоз двох часцох, єдна часц ше отримує онлайн, док ше друга часц отрима уживо у Братислави, док дошлєбодза условия пре ґлобалну пандемию. Наставнїки на тот способ змоцня у сфери еколоґийних темох, а свойо знанє буду применьовац и у учальньох през роботу зоз школярами. У проєкту окрем нашей школи, участвую и наставнїки зоз Словацкей и Чешкей, а проєкт водзи организация Феникс зоз Словацкей.