И того року родичи / други законски заступнїки хтори гражданє Републики Сербиї можу електронски заказац на Порталє еУправи термин за упис и тестиранє дзецка до основней школи так же порушаю услуги еЗаказованє термину за упис и тестиранє дзецка до ОШ.

Потребне же бисце:

1. Були реґистровани хаснователь, односно мали креировану налогу на державним порталу за електронску идентификацию eID.gov.rs
2. Порушали услугу на Порталу еУправа (Услуге → Образовање → еЗаказивање термина у ОШ)
3. Закажеце термин у школи хторей вашо дзецко територийно припада

Под час упису нє потребно давац документи, понеже их школи обезпеча по службеней длужносци, и то:

1. Вивод зоз матичней кнїжки родзених
2. Уверенє о месту пребуваня
3. Уверенє о законченю пририхтуюцей предшколскей програми
4. Потвердзенє о оконченим лїкарским препатрунку – лїкарске уверенє*

* Винїмок лєм лїкарске уверенє кед сце препатрунок окончели у приватного лїкара.

Надпомнуце 1: Термин можеце одказац дзень (24 годзини) пред заказаним часом. Кед нє одкажеце термин и нє придзеце до школи кед сце заказали термин, система Вам нє дошлєбодзи же бисце у наиходзацих 14 дньох електронски заказали нови термин за упис
дзецка до основней школи. У тим случаю, родитель будзе мушиц директно контактовац школу и заказац нови термин.

Надпомнуце 2: Кед маце додатни питаня коло заказованя термину, обрацце ше контакт центру на число телефона 011/73-505-57. Телефонска потримовка доступна од 22. марца 2021. року и под час тирваня упису до основних школох каждого дня од 7.30 до 15.30 годзин.