Початком октобра, у Дзецинским тижню почала реализация  мини уметнїцкого кампу за младих  и дзеци у Основней и штреднєй школи зоз домом школярох.

Организаторка кампа Любица Няради педагог.

Направела сом модификацию кампа у школских условийох и условий пандемиї.  Уметнїцки активносци прилагодзели зме  школяром основношколского и штредньошколского возросту. Помоц  и догварка зоз наставнїцу ликовней култури Маю Колошняї була конструктивна и вона  реализує роботнї фракталного рисованя у основней школи, а я организуєм  роботнї фракталного рисованя у штреднєй школи и дому школярох.

Циль мини кампа за младих и дзеци же би розвивали любов гу рисованю, фарбом и уметнїцкому виразу, а на законченю кампа будзе вистава фракталних рисункох младих и дзецох у школским холу.

Фракталне рисованє по методи Танзили Палуяхтовей розвива кординацию мозга и моторику рукох, фину моторику пальцох, функциї правей и лївей мозговей хемисфери, креативносц, оригиналносц, чувствительносц за фарби и ниянси. Таки уметнїцки вираз розвива сцерпезлївосц, упартосц, пошвеценосц и доводзенє започатей роботи до конца.

Камп финансийно потримал  прейґ проєкту Национални совит Руснацох односно його Одбор за младих.