Концом прешлого тижня до Основней и штреднєй школи зоз домом школярох „Петро Кузмякˮ у Руским Керестуре сцигло допущенє зоз Покраїнского секретарияту за образованє, предписаня, управу и национални меншини-национални заєднїци за формованє оддзелєня Ґимназиї на руским язику зоз трома школярами.

Най здогаднєме, у першим уписним кругу до Ґимназиї, до оддзелєня на руским наставним язику, уписали ше лєм тройо школяре, а за минималне оддзелєнє були потребни пецеро школяре. Зоз школи „Петро Кузмякˮ прето глєдане окремне допущенє зоз Министерства просвити, а хторе потримал и Национални совит односно Одбор за образованє.