Того року найлєпша у своєй ґенерациї то Тереза Будински. Товарише за ню вше маю красне слово и гуторя же вше сце помогнуц, же є скромна, мудра, одвичательна, дисциплинована, алє и упарта и креативна особа. Вона вше ту кед треба дац совит, ришиц проблем, а волаю ю и ,,матка оддзелєня“прето же ше старала о шицким.
До руского оддзелєня Ґимназиї пришла як школярка ґенерациї зоз основней школи. Тереза ше предлужела учиц и була активна зоз шицких предметох так же за тоти штири роки нє виостали припознаня за тото єй намаганє.

У виглєдовацкей станїци Петница була штири раз. Три раз на семинару математично-технїчних наукох, а раз на Турниру младих физичарох. Участвовала у волонтерским кампу у Нємецкей, а була и на семинару у Школи за людски права за младих у Беоґрадзе.

Була успишна и на змаганьох та так посцигла успихи зоз историї и то два роки, физики, з биолоґиї ше пласовала на републични уровень. Нє заобишли ю анї литературни конкурси, а и уатлетики посцигла добри резултати.

Школски активносци нє занєдзбовала, та так кажди рок участвовала у правеню и реализациї математичного квизу, участвовала у квизу знаня ,,Катапулт“ кед наша школа завжала друге место, а поряднє писала за младежски часопис МАК.

Люпка Малацко, оддзелєньски старшина
Руски Керестур, 12.06.2020. рок

Успихи:
2016/2017.
2. место на општинским змаганю зоз Историї

2017/2018.
1. место на општинским змаганю зоз Историї
1. место на општинским змаганю у Атлетики
3.место на окружним змаганю у Атлетики
1. место на Ярнїм кросу
1. место на Смотри кирилскей писменосци
1. место на општинским змаганю зоз Физики

2018/2019.
2. место на квизу знаня ,,Катапулт“
2. место на окружним змаганю зоз Биолоґиї
участвовала на републичним змаганю зоз Биолоґиї
1. место на општинским змаганю у Атлетики
2. место на окружним змаганю у Атлетики