Почитовани,

Дзекуєме Вам на указаним интересованю за упис дзецка до основней школи.

Маюци у оглядзе ситуацию зоз коронавирусом и же би ше обкеровали гужви по школох, того року упис Вашого школяра до першей класи будзе реализовани лєм у заказаним термину. Же бисце на електронски способ заказали термин за упис, од 28. мая на Порталу еУправа будзе оможлївена услуга електронского заказованя термина за упис и тестированє дзецка у ОШ. Услуга будзе доступна од 28. мая по 10. юлий 2020. року, за термини упису од 1. юния по 20. юлий.

ВАЖНЕ НАДПОМНУЦЕ 1! Окончени лїкарски препатрунок предусловиє же би ше дзецко уписало до першей класи. Прето Вас модлїме же бисце приступели ґу услуги заказованя термину за упис и тестированє лєм кед сце уж окончели лїкарски препатрунок дзецка або сце сиґурни же окончице препатрунок по термин котри сце вибрали за упис. Услуга на Порталу будзе доступна длужей як мешац днї, так же єст часу за шицко.

ВАЖНЕ НАДПОМНУЦЕ 2! Того року нє потребне приношиц анї єден документ на тот завод за упис прето же шицки податки буду набавени по службеней длужносци на електронски способ. Винїмок лєм лїкарске уверенє котре дзецко достало скорей 16. марца 2020. року, односно, принєшце лїкарске увренє кед сце дзецко водзели на препатрунок скорей обявйованя позарядового стану або до приватного лїкара.

Дзекуєме Вам же хаснуєце услуги електронскей управи.

Жичиме Вашому дзецку щешлїви початок школского року!

З почитованьом,
Министерство просвити, науки и технолоґийного розвою и Кондзелария за ИТ и еУправу