Основна и штредня школа зоз домом школярох „Петро Кузмяк” обвисцує школярох и родичох же у складзе зоз Инструкциями за поступанє Министерства просвити, науки и технолоґийного розвою у цеку нормализациї условийох под час пандемиї од 01. юния 2020. окончи приєм єдного числа школярох у обсягу котри оможлївює спроводзенє нєобходних мирох превенциї, защити и зопераня ширеня епидемиї.

Шицки школяре по приєму до школи длужни притримовац ше шлїдуюцих правилох справованя и поступаня:

1. ШКОЛЯРЕ УХОДЗА ДО ШКОЛИ НА ГЛАВНИ УХОД НА РОЗСТОЯНЮ ОД 2 МЕТЕРИ

2. ШКОЛЯРОМ ОБОВЯЗКОВЕ МЕРАНЄ ТЕМПЕРАТУРИ НА УХОДЗЕ ДО ШКОЛИ

3. ШКОЛЯРЕ ОБОВЯЗНИ НА УХОДЗЕ ДЕЗИНФИКОВАЦ ОБУЙ И РУКИ

4. ОБОВЯЗКА ШКОЛЯРОХ НА УХОДЗЕ ДО ШКОЛИ ПОЛОЖИЦ ЗАЩИТНУ МАСКУ И РУКАВИЦИ КОТРИ ПРИНОША ЗОЗ ДОМУ

5. ДЕЖУРНИ НАСТАВНЇК ШКОЛЯРОХ УНАПРЯМУЄ ДО ОДРЕДЗЕНИХ УЧАЛЬНЬОХ

6. УЧАЛЬНЇ ЗА АКТИВНОСЦИ ШТРЕДНЄЙ ШКОЛИ НА ПЕРШИМ ПОВЕРХУ(СПРАТУ), А ОСНОВНЕЙ У ПРИЖЕМЮ ШКОЛИ

7. РОЗСТОЯНЄ ШКОЛЯРОХ У УЧАЛЬНЇ НА ДВА МЕТЕРИ КОЛО ШКОЛСКИХ ЛАВКОХ

8. ЗАБРАНЄНЕ ЗАТРИМОВАНЄ ШКОЛЯРОХ У ШКОЛИ – У ГОЛУ, ХОДНИКОХ, ТОАЛЕТОХ И ШКОЛСКИМ ДВОРЕ ПОСЛЕ ПОРОБЕНИХ ЗАДАТКОХ

9. ПОСЛЕ ЗАКОНЧЕНИХ АКТИВНОСЦОХ У ШКОЛИ, ШКОЛЯРЕ ВИХОДЗА ЗОЗ ШКОЛИ НА ДЗВЕРИ КОТРИ ВОДЗА ДО ШКОЛСКОГО ДВОРА

Датуми и термини приєму школярох:

ОСНОВНА ШКОЛА
01.06. од 9- 10 годзин преберанє тестох зоз мацеринского язика и комбинованого теста котри школяре буду робиц дома и врацаю до школи на препатрунок 02.06. (кед и приходза на пробни закончуюци испит зоз математики)

02.06. на 9 годзин пробни закончуюци испит зоз математики котри ше поклада у школи

01.06.- 05.06.- термини годзинох за школярох осмих класох котри тирваю по єдну годзину спрам розпорядку котри утвердзи школа

03.06.- 15.06.- пририхтуюца настава за покладанє закончуюцого испиту у складзе зоз виказанима потребами школярох спрам розпорядку котри утвердзи школа

08.06.- 15.06.- термини за школярох пиятей, шестей и седмей класи спрам розпорядку котри утвердзи школа

17, 18. и 19. юний – закончуюци испит за школярох осмей класи спрам розпорядку котри утвердзи школа

ШТРЕДНЯ ШКОЛА

01.06.- 03.06.- орґанизовани годзини за виправянє оценох за матурантох спрам розпорядку котри утвердзи школа

03.06.- 12.06.- покладанє матурских испитох у школи спрам розпорядку котри утвердзи школа

08.06.-19.06.- орґанизовани годзини за виправянє оценох за школярох першей, другей и трецей класи

19.06.- конєц школского рока за школярох

Модлїме школярох и родичох же би строго почитовали наведзени розпорядок и термини пре почитованє мирох превенциї, защити и зопераня ширеня епидемиї.

Зоз цильом интензивированя активносцох за законченє другого полроча, активносци ше буду одвивац у периодзе од 08-20 годзин, як и роботнима соботами по потреби, же би цо менше число занятих и школярох препровадзовало час у обєкту школи одразу, почитуюци препорученя Кризного штабу и одлуки Влади Сербиї.