Професоре и школяре Основней и штреднєй школи зоз домом школярох „ПетроКузмяк“ зоз Р. Керестура преславели школску славу хтора пошвецена Святому Савови. Тота подїя означена зоз програму хтору пририхтали школяре основней и штреднєй школи. Шветочна програма отримана у голу школи. После уводних словох и гимни першому сербскому просвитительови, школяре нас здогадли на значносц  и роботу Святого Сави. Госци мали нагоду чуц вибрани приповедки и леґенди, бешеди и стихи хтори пошверцени Савови, и уживац у музичних точкох хтори виведли члени школского хора зоз провадзеньом инструмента.

Резанє славского колача на чесц Святому Савови почало 27. януара на 12 годзин у голу школи. Наставнїки школи провадзели як священїк Борислав Тошич, хторому помагал диякон Петар Николич, пререзали колач и преляли колїво. Одшпивани тропар Святому Савови, хтори як кратка церковна писня найлєпше гутори о животу и дїлу того сербского просветителя и першого архиепископа, коло пламеня швички школяр-кум тогорочней слави Давид Боровняк участвовал у обрацаню славского колачахтори на концу и преламал зоз священїком.