У мадярским варошу Калоча 13. и 14. септембра отримани Фестивал паприґи,дзе и розвита продукция тей желєняви.

У рамикох Interreg-IPA програми прейґгранїчного сотруднїцтва Мадярска-Сербия, општина Кула вєдно зоз општину Калоча зоз Мадярскей витворела проєкт хтори ше наволує ,,Стари звикнуца у нових шматох“. До того проєкту ше уключела и ,,Кулска улїца“зоз своїма поживовима продуктами  и ручнима роботами, як и општина Кула,хторих представели здруженя женох и Туристична орґанизация нашей општини.

Школярки трецей и штвартей класи нашей школи напряму Туристични технїчар и Ґимназиї, Сандру Паунович, Николину Шипош, Сабину Милияшевич и Силвию Гарди провадзели педаґоґ школи Любица Няради и професорка Рената Зорич и там мали нагоду применїц свойо теорийни знаня у пракси.

Вони у сотруднїцтве зоз локалнима здруженями промововали як ,,Кулску улїцу“   так и нашу општину, а зоз народним облєчивом представели мултикултуралносц нашого поднєбя.

Тото а и подобни искуства представяю часц настави, дзе школяре применюю теорийни знаня зоз фахових предметох и здобуваю нови практични знаня и схопносци хтори потребни за їх будуцу професию.

Составела Рената Зорич