Школяре напряму туристични технїчар зоз школи „Петро Кузмяк“ зоз Руского Керестура: Сташа Сукнович, Николета Влахович и Миня Яначкович, провадзени зоз менторску роботу професорки Ани Вуясин, завжали перше место на змаганю у студиї случаю „Дестинация у гармониї зоз природу“ у Новим Садзе.

У рамику того змаганя, хторе уж роками успишно орґанизує Универзитет Синґидунум, школяре штреднїх школох  мали можлївосц представиц свойо идеї  и роботни ришеня през презентацию, хторим циль булзочиц ше зоз реалнима роботнима проблемами и указац  здобуте знанє, як и свою схопносц у ришованю студиї случаю зоз обласци еконимиї и туризма.

На змаганю свойо идеї презентовали ище три тими напрямох туристични технїчар и ґимназия и то школяре: Кристина Калмар, Даяна Недич, Драгана Василєвич, Катарина Малич, Горан Юрич, Ивана Веселинович, Арияна Чапко и Силвия Гарди, зоз менторску роботу професоркох: Бояни Милянич, Лїляни Финей и Єлени Миркович.